Un rayo verde sale da luna de sangre

Pode parecer parte dunha escena dunha película de ciencia ficción ou de superheroes, pero a fotografía que observan sobre estas liñas non foi recreada con efectos especiais. É real, e a NASA deuna a coñecer o pasado venres. Non hai trampa nin cartón, e ten unha explicación. Tanto o fai de luz verde como o disco lunar de cor vermella son auténticos, e foron capturados durante a madrugada do 15 de abril.

A lúa vermella é fácil de explicar, xa que a imaxe foi tomada durante o eclipse total de lúa que tanto chamou a atención a pasada semana. Inmersa na sombra, a Lúa eclipsada reflicte a luz arroibada atenuada por todos os atardeceres e amenceres da Terra. E o fai de luz verde é... un láser. Disparado desde o telescopio de 3,5 metros do Observatorio Apache Point no sur de Novo México (EE.UU.), utilízase para medir a distancia da Terra á Lúa cunha precisión milimétrica. O obxectivo é o retroreflector instalado no noso satélite natural polos astronautas durante a misión do Apolo 15 en 1971 e que aínda é útil. Coñecendo o que tarda o pulso láser en regresar, un equipo experimental da Universidade de California San Diego é capaz de medir a distancia e proporcionar unha proba da relatividad xeral, a teoría da gravidade de Einstein. O raio verde aparece cando a atmosfera do noso planeta dispersa parte da intensa luz do láser.

Este experimento con láser durante un eclipse total utiliza a Terra como un interruptor da luz cósmica. O rendemento do reflector lunar é mellor cando a luz solar natural está bloqueada que cando o astro está iluminado pola luz do Sol durante unha lúa chea normal, un efecto coñecido como un efecto coñecido co sugerente nome da maldición da Lúa chea.